35-годишен жител на Студеничани починал откако, според првичните информации, паднал во дворот на куќа при употреба на машина за перење под притисок, при што постои сомнение дека доживеал струен удар.
Случајот бил пријавен на 16 септември околу 11:40 часот во СВР Скопје. Според пријавеното, Х.Б. (35) дошол во дворот на куќата во Студеничани, сопственост на А.С. (56), и ја зел машината за да го измие возилото.
При употребата тој паднал, најверојатно поради струен удар. Со возило на Итната медицинска помош бил пренесен во Комплексот клиники „Мајка Тереза“, каде што починал. Смртта ја констатирал лекар.
По насоки на јавен обвинител, телото на починатиот било предадено во Судска медицина за обдукција.
