Градоначалникот на Кавадарци, Митко Јанчев за Пресинг ТВ по првиот круг од претседателските избори кажа дека не е исклучен од ВМРО-ДПМНЕ.
„Ќе одговорам политички. Јас сум член на Општинскиот комитет на ВМРО-ДПМНЕ и градоначалник на Кавадарци и дел сум од партијата. Само сум разрешен од партиската потпретседателска функција“, изјави Јанчев.
Тој кажа дека гласал за Гордана Силјановска Давкова во претседателската трка, но вели дека главен мотив му било да успеат самите претседателски избори и да се постигне излезност.
