Катица Јанева, поранешната специјална јавна обвинителка од куќен притвор утрово е донесена пред Кривичмниот суд во Скопје каде се очекува да почне судењето за случајот „Рекет". Од затворот Шутка беше спроведен само Боки 13.
Јанева за разлика од пред еден месец кога новинарите ја фотографираа со лисици на рацете, со несредена коса и без шминка, денеска на првото судење за „Рекет се појави со фенирана коса.
Јанева е обвинета за кривичното дело „Злоупотреба на службената положба и овластување“, за што ѝ се заканува затворска казна од најмалку три години затвор. Боки 13 кривично се гони за две дела и тоа „Примање награда за противзаконито влијание“, за што е предвидена затворска казна од 1 до 10 години, и за „Перење пари и други приноси од казниво дело“, за што исто така е предвидена затворска казна од 1 до 10 години. Кичеец, пак, е обвинет за кривичното дело „Примање награда за противзаконито влијание“ според член 359 став 7, за што му се заканува затворска казна од 1 до 10 години.
фото: Арбнора Мемети
