Јаневски: Во Гостивар не е важно каква состојба ќе се прогласи, надвор е 40 степени, а луѓето немаат вода

Поранешниот директор на Агенцијата за промоција и поддршка на туризмот, Љупчо Јаневски, преку објава на социјалните мрежи повика на итна и поконкретна помош за граѓаните на Гостивар, кои веќе неколку дена се соочуваат со проблеми поради забраната за користење на водата од градскиот водовод.

— реклама —

Тој посочи дека во изминатите два дена бил во Гостивар и дека, според него, на граѓаните во моментов не им е најважно дали ќе биде прогласена одредена состојба, туку им е потребна практична помош.

„Веќе два дена одам за Гостивар и морам да кажам дека на граѓаните на Гостивар во целата оваа состојба ама баш не им значи дали ќе биде прогласена ваква или онаква состојба.

— реклама —

Но затоа им се Потребни цистерни со вода за пиење, техничка вода, родниот крст да е на терен, пунктови со питка вода, медицински лица од целата држава за помош и нега за најмладите и лицата во поодминати години!

— реклама —

Да не заборавиме дела надвор е 40+ и додека некој е на плажа некој нема капка вода а градот дополнително е полн со наши иселеници.

Хуманоста???

За се останато не треба да трошиме муабет“, напиша Јаневски.