ЈП „Охридски Комуналец“ реализираше вонредна и широкоопфатна акција за подигнување кабаст и зелен отпад во населбата Даљан и во 8. Урбана Заедница.
Во рамки на акцијата беа опфатени и комплексите со згради на улиците „Галичица“ и „Никола Карев“, од каде што се подигнати вкупно 22 кубни метри отпад.
Од претпријатието посочуваат дека неправилното оставање на кабаст отпад и непотребна покуќнина на јавни површини е честа појава во урбаните заедници, со што се нарушува изгледот и се деградира јавниот простор кој го користат сите граѓани.
Од ЈП „Охридски Комуналец“ апелираат граѓаните да го почитуваат Календарот за подигнување кабаст и зелен отпад за 2026 година, со цел отпадот да се одлага на соодветен начин и заеднички да се придонесе кон почиста и поздрава животна средина.
