ЈП „Охридски Комуналец“ продолжува со активностите за затворање и санација на депонијата „Буково“

Продолжуваат активностите насочени кон утврдување на состојбата и подготовка на мерките за затворање и санација на депонијата „Буково“, со спроведување теренски истражувања и потребни анализи.

— реклама —

Согласно договорот меѓу УНДП – Проект „Градење на општинските капацитети за имплементација на проекти – Фаза 3“ и Општина Охрид, за реализација на проектот „Изработка на урбанистички проект и основен проект за затворање, санација и натамошна грижа за некласифицирана и нестандардна депонија Буково“, избран е најповолниот понудувач ГЕОМАП Дизајн ДООЕЛ Скопје.

— реклама —

— реклама —

Во рамки на подготовките, деновиве започна бушење за поставување пиезометри, преку кои ќе се земаат мостри за потребните анализи. Резултатите треба да дадат прецизна слика за состојбата на депонијата и да помогнат во утврдувањето на мерките потребни за нејзино затворање и санација.

— реклама —

Паралелно, продолжуваат и тековните санациони активности на депонијата, вклучително и покривање на површините со земја.