Дежурните служби на ЈП „Охридски Комуналец“ денеска спроведоа акција за расчистување на мапирана дива депонија на патниот правец во близина на авто-кампот во село Љубаништа.
При интервенцијата локацијата е целосно расчистена, а од теренот се подигнати 15 вреќи со разновиден расфрлан комунален отпад.
Од ЈП „Охридски Комуналец“ продолжуваат со активностите за одржување на чистотата на јавните површини и отстранување на отпадот од локации каде што се создаваат диви депонии.
