Интензивните активности за целосно санирање на последиците од пожарот на депонијата „Буково“ продолжуваат, при што екипите на ЈП „Охридски Комуналец“ со механизација вршат покривање на опожарените површини и жариштата со земја.
Досега за гаснење на пожарот и затрупување на опожарените делови се донесени и употребени повеќе од 2.000 кубни метри земја. Со постојаните интервенции на терен се спречува понатамошното ширење на огнот и се создаваат услови за целосно стабилизирање на состојбата.
Екипите на ЈП „Охридски Комуналец“, заедно со останатите надлежни служби, продолжуваат со работа и постојано ја следат состојбата на депонијата. Активностите ќе продолжат сè до целосно ставање на состојбата под контрола.
Од ЈП „Охридски Комуналец“ упатуваат благодарност до сите служби и лица ангажирани во справувањето со пожарот за вложениот труд, како и до граѓаните за разбирањето и поддршката.
