ЈП „Охридски Комуналец“ со максимален ангажман во пресрет на Илинден

Во пресрет на големиот православен празник Свети Илија, оперативните служби на ЈП „Охридски Комуналец“ се со засилен ангажман за одржување на јавната хигиена и зеленилото на повеќе локации во Општина Охрид.

— реклама —

Се уредуваат и одржуваат местата каде што во рамки на празничната програма се очекуваат поголеми посетеност и активности, меѓу кои селото Рамне, Прентов Мост, како и Велгошти, каде се опфатени речното корито, црквата „Свети Илија“ и централниот дел од селото. Со активности се опфатени и селата Плаќе и Елшани.

— реклама —

— реклама —

Паралелно, дежурните служби од раните утрински часови се присутни на најфреквентните места во централното градско подрачје. Во текот на туристичката сезона, поради бројните музички, културни и други настани, на повеќе локации во градот се создаваат зголемени количества ситен отпад, особено лименки, пластични шишиња и друг отпад.

— реклама —

Засилен е ангажманот и на екипите задолжени за метење на јавните површини во поширокото подрачје на Општина Охрид. Од ЈП „Охридски Комуналец“ посочуваат дека динамиката на одржување на јавната чистота е подигната на највисоко ниво, со вонреден ангажман на дежурните служби за навремено одржување на чистотата во пресрет и за време на празничните активности.