И покрај високите температури, екипите на ЈП „Охридски Комуналец“ продолжуваат со редовно одржување и уредување на јавното зеленило на повеќе локации во Охрид.
Во текот на овие денови се уредува зеленилото покрај пешачките патеки во Стар Град, а со тековно одржување и косење се опфатени населбата Лескајца и улиците „Будва“, „Живко Чинго“, „7-ми Ноември“ и „Лазо Трпоски“. Активностите продолжуваат и во паркот на улицата „Јане Сандански“, бетонската жардињера долж улицата „Железничка“, како и на игралиштата во Лескајца и село Рача.
Екипите работат и на уредување на пешачката патека кон Горица и просторот околу Скејт-паркот. Дополнително, се разубавуваат дрвените жардињери на улицата „Македонски Просветители“ со садење украсни растенија, а се уредува и просторот околу споменикот „Солзата на Роза“.
Поради високите температури, дополнително се наводнува градското зеленило со цел да се зачува неговата виталност и уредниот изглед.
