ЈП „Охридски Комуналец“ со редовни и вонредни активности за уредување на зеленилото

Екипите на ЈП „Охридски Комуналец“ во текот на изминатата недела реализираа низа редовни и вонредни активности за уредување и одржување на јавните зелени површини во Охрид и поширокото подрачје.

— реклама —

Покрај редовното косење и наводнување на зелените површини, согласно категоризацијата утврдена со годишната програма за работа, беа реализирани и сезонски активности за уредување на цветните леи на Малиот плоштад, градскиот плоштад и долж улицата „Македонски Просветители“. Се вршеше и сезонско одржување на розите и уредување на украсните форми од зеленило.

— реклама —

— реклама —

Во урбаните заедници и поширокото подрачје на Охрид се косеа тревните површини и се отстрануваше неуредната вегетација на улиците „Мирче Ацев“ и „Сирма Војвода“, како и на кружниот тек на улицата „Железничка“ со „Егејска“. Активности се реализираа и на патеката околу ООУ „Климент Охридски“ во Стар Град, како и во близина на аеродромот „Св. Апостол Павле“.

За обезбедување непречено и безбедно движење на пешаците, екипите извршија и кастрење на гранки долж улиците „Булевар Туристичка“ и „Питу Гули“.