ЈП „Охридски Комуналец“ со засилени активности за чисти училишни дворови пред почетокот на учебната година

Со цел учениците да ја започнат новата учебна година во уредна и чиста средина, ЈП „Охридски Комуналец“ спроведува засилени активности за чистење на училишните дворови и просторот околу училиштата во Охрид и приградските населби.

— реклама —

Деновиве екипите на претпријатието вршат машинско и рачно миење и метење на пристапните патишта, училишните дворови и околниот простор во повеќе основни и средни училишта.

— реклама —

— реклама —

Активностите продолжуваат и денес, а се реализираат во координација со Одделението за образование при Општина Охрид.

Од ЈП „Охридски Комуналец“ на учениците им посакуваат среќен и успешен почеток на учебната година, со посебна порака до првачињата. Од претпријатието потсетуваат и на значењето на развивањето еколошка свест уште од најрана возраст, преку правилно постапување со отпадот, рециклирање и грижа за животната средина.