ЈП „Охридски Комуналец“ го разубавува Охрид со ново сезонско цвеќе

ЈП „Охридски Комуналец“, преку работната единица „Паркови и зеленило“, изминатата седмица реализираше повеќе активности за уредување и одржување на јавните зелени површини во градот и приградските населби.

— реклама —

Во рамките на сезонското разубавување започна садење цветен расад од видовите џунџуле, салвија и импатиенс. Со оваа активност постепено ќе бидат украсени парковите и другите хортикултурно уредени површини, а во текот на изминатата седмица нов изглед добија Градскиот парк, паркот кај Градскиот плоштад, кружните текови кај Шпаркасе банка и кај Гимназијата.

— реклама —

— реклама —

Паралелно продолжија и активностите за косење на тревните површини согласно Програмата за работа за 2026 година. Интервенции беа извршени во Осмата урбана заедница „Билјанини Извори“, кај игралиштето на Булевар „Туристичка“, на плоштадот „Вангел Наумоски“, во населбите Охридати и Христо Узунов, во селото Коњско, како и на улиците „Стив Наумов“ и „Сирма Војвода“.

— реклама —

Продолжи и хортикултурното уредување на Холандскиот парк, каде што во оваа фаза беа засадени декоративни садници од видот фотинија, а парковската површина беше дополнително уредена со декоративен камен.