ЈП „Охридски Комуналец“ ќе се грижи за хигиената за време на „Вино-фест Охрид“

ЈП „Охридски Комуналец“ и годинава ќе даде поддршка во организацијата на културните манифестации што се одржуваат во Охрид, обезбедувајќи континуирано одржување на јавната хигиена за време на фестивалските настани.

— реклама —

— реклама —

По повод петтото јубилејно издание на „Вино-фест Охрид“, дежурните екипи на претпријатието ќе бидат ангажирани во текот на сите три фестивалски дена. Тие ќе се грижат за чистотата на просторот пред почетокот и по завршувањето на музичката програма, со цел посетителите да уживаат во уредена и чиста фестивалска атмосфера.

— реклама —

— реклама —

Од ЈП „Охридски Комуналец“ истакнуваат дека со ваквите активности традиционално ги поддржуваат културните манифестации, кои имаат значајна улога во туристичката промоција на Охрид.