ЈП „Охридски комуналец“: Обемна акција за расчистување на диви депонии во с. Трпејца

Јавното претпријатие „Охридски комуналец“ спроведе обемна акција за расчистување на диви депонии во селото Трпејца, по повторно мапирање на три локации каде несовесно бил одложуван кабаст, градежен и зелен отпад од домаќинства.

— реклама —

Од претпријатието информираат дека ваквото однесување на поединци претставува закана по здравјето на жителите и ја загадува животната средина, при што екипите интервенирале на терен со цел целосно расчистување на локациите.

— реклама —

— реклама —

Во акцијата биле ангажирани повеќе дежурни екипи и специјална механизација за собирање и транспорт на отпадот, при што се подигнати околу 20 кубни метри отпад.

— реклама —

Од „Охридски комуналец“ апелираат до граѓаните да не фрлаат отпад надвор од предвидените локации, нагласувајќи дека ваквите постапки претставуваат прекршување на Законот за јавна чистота и директно ја загрозуваат животната средина.