Јавното претпријатие „Охридски комуналец“ информира дека парковските содржини на градскиот плоштад и кај Холандскиот Парк се збогатени со декоративни аранжмани со симболика на големиот христијански празник Велигден.
Од претпријатието посочуваат дека комбинацијата од декоративни елементи, пролетни цвеќиња и украсни садници им дава посебна свежина на парковските површини и остава силен визуелен впечаток кај посетителите.
Дополнително, во рамки на одбележувањето на април како месец на лалето, во градскиот парк се засадени лалиња во широк спектар на бои, со што дополнително се збогатува пролетната слика на градот.
