ЈП „Охридски комуналец“ постави видео надзор на критични локации за спречување на диви депонии

Јавното претпријатие „Охридски комуналец“ информира дека во изминатите 10 дена оперативните служби биле максимално ангажирани во справување со последиците од неодговорното однесување на поединци кои континуирано создаваат диви депонии на повеќе локации.

— реклама —

Како што посочуваат од претпријатието, на повеќе локации, меѓу кои населба Даљан, локалитет Лабино, селата Рамне, Трпејца, Косел, Подмоље и други, биле забележани големи количини нелегално одложен отпад, што претставува сериозен еколошки проблем и долгорочна закана за животната средина.

— реклама —

Од таму информираат дека со вонредно ангажирање на човечки ресурси и механизација од овие локации се подигнати вкупно 164 кубни метри кабаст и зелен отпад и градежен шут.

— реклама —

Со цел спречување на повторно создавање на диви депонии, на критичните точки каде континуирано се регистрирани прекршувања, поставен е видео надзор, при што секое идно прекршување на Законот за јавна чистота ќе биде соодветно санкционирано.

Од „Охридски комуналец“ апелираат до граѓаните за поголема совест и одговорност, нагласувајќи дека Охрид како духовен и туристички центар заслужува чиста и уредена животна средина.