Јавното претпријатие „Охридски комуналец“ информира дека повторно се мапирани диви депонии во населбите Воска и Даљан, каде што несовесно однесување на поединци довело до деградирање на јавните површини.
Како што посочуваат од претпријатието, на вкупно шест локации во овие населби биле евидентирани диво создадени депонии, од каде што со интервенција на екипите се подигнати околу 55 кубни метри кабаст и зелен отпад.
Од „Охридски комуналец“ апелираат до граѓаните за поголема одговорност во заштитата на животната средина, нагласувајќи дека секое одлагање отпад на несоодветни локации ќе биде санкционирано согласно законските прописи.
