Екипите на секторот „Паркови и зеленило“ при ЈП „Охридски Комуналец“ и во текот на изминатата седмица реализираа повеќе активности за одржување и уредување на јавните зелени површини на повеќе локации во градот.
Покрај редовното косење и наводнување на зелениот појас во Градскиот парк и долж „Булевар Туристичка“, беше отстранета ниска вегетација на улиците „Гоце Делчев“, „Никола Карев“, „Ариф Мустафа“ и „Аџи Мустафа“.
Активности за расчистување на неуредна вегетација беа спроведени и во Стариот град, покрај патот до Горна Порта, долж магистралниот пат кај селото Рача, на потегот од населбата Видобишта до Велгошти, на паркингот кај Општата болница, покрај патниот правец Вапила – Косел, како и во населбата „Црногорци“.
Во рамките на редовното хортикултурно одржување, продолжи и засадувањето и обновувањето на цветните леи на повеќе јавни површини низ градот.
Од ЈП „Охридски Комуналец“ информираат дека дежурните екипи интервенирале и по пад на дрво во Холандскиот парк, предизвикан од неповолни временски услови, при што дрвото било безбедно отстрането.
