Екипите на ЈП „Охридски Комуналец“ и во текот на изминатата седмица спроведоа повеќе активности за одржување на јавното зеленило и јавната хигиена на повеќе локации низ Охрид.
Во рамките на работните активности беше извршено косење и отстранување на неуредната вегетација во селото Пештани, населбата Гоце Делчев (Бараки), Стариот град, на улицата „АСНОМ“, кај Извидничкиот камп, на улицата „Гоце Делчев“, долж магистралниот пат до населбата Свети Стефан, како и на кружните текови на улиците „Железничка“ и „Булевар Туристичка“.
Екипите го уредија и цветниот тунел кај градскиот плоштад со сезонско цвеќе, а паралелно продолжија со редовното наводнување на парковските површини и одржувањето на цветните леи.
По концертот што се одржа синоќа на Античкиот театар, службите на ЈП „Охридски Комуналец“ беа ангажирани и за расчистување и тековно одржување на јавната хигиена, со цел просторот повторно да биде чист и подготвен за посетителите.
