ЈП „Охридски Комуналец“ продолжува со уредување на зелените површини низ Охрид

ЈП „Охридски Комуналец“ преку работната единица „Паркови и зеленило“ продолжува со редовното одржување и уредување на јавните зелени површини на повеќе локации во Охрид и околните населени места.

— реклама —

Во изминатиот период беа спроведени активности за расчистување на дивата вегетација и косење трева во селото Коњско, населбите Исток и Гранит, како и во селото Орман, каде што беа уредени просторот околу црквата „Свети Наум“ и детското игралиште. Интервенции беа реализирани и долж патниот правец кон селата Горно Лакочереј и Ливоишта, на сообраќајната клучка на влезот во Охрид, како и на патниот правец кон Свети Стефан.

— реклама —

— реклама —

Паралелно се извршуваше редовно одржување на јавните зелени површини кај детските игралишта во населбите Лескајца и Видобишта, покрај Суводолица кај улицата „Железничка“, како и на улиците „Ристо Чадо“, „Мирка Гинова“, „Будва“, „Јане Сандански“ и во Стариот град.

— реклама —

Во рамки на хортикултурните активности беше засадено сезонско цвеќе долж пешачката патека до Горица, а беше реализирано и сезонско одржување на ружите на јавните зелени површини.