ЈП „Охридски Комуналец“ расчисти диви депонии покрај патот Охрид – Свети Наум

Екипите на ЈП „Охридски Комуналец“ реализираа акција за расчистување на несоодветно депониран кабаст и зелен отпад покрај магистралниот пат Охрид – Свети Наум, при што беа отстранети голем број диви депонии.

— реклама —

Во акцијата се интервенираше на повеќе локации со употреба на специјална механизација, а беа подигнати вкупно 24 кубни метри отпад.

— реклама —

— реклама —

Од јавното претпријатие посочуваат дека и покрај редовните акции за чистење, на терен повторно се затекнуваат деградирани простори исполнети со непрописно одложен отпад, што претставува закана за животната средина и здравјето на граѓаните, а воедно остава и негативен впечаток за околината.

— реклама —

Од ЈП „Охридски Комуналец“ апелираат до граѓаните совесно да постапуваат со отпадот и да придонесат за зачувување на чистата и здрава животна средина.