ЈП „Охридски комуналец“ со дежурни екипи на терен за почист и поуреден Охрид

Јавното претпријатие „Охридски комуналец“ информира дека дежурните екипи се секојдневно ангажирани на различни локации со цел реализација на активности за одржување на јавното зеленило и јавната чистота.

— реклама —

Екипите се распоредуваат во централното градско подрачје, периферните делови и приградските населби, каде интензивно се врши косење на тревни површини, уредување на дрвореди, отстранување на ниска и дива вегетација од тротоари, коловози и пешачки патеки.

— реклама —

— реклама —

Посебен акцент е ставен и на активности надвор од центарот на градот, при што се расчистува расфрлан ситен комунален отпад на патниот правец кон село Велестово, се коси зелениот појас кон населба Свети Стефан, како и во селата Пештани и Велгошти. Дополнително се уредува просторот кај мостот во Велгошти со цел подобра прегледност во сообраќајот, а тековно се одржуваат и шумските патеки во стариот дел на градот.

— реклама —

Од „Охридски комуналец“ нагласуваат дека овие активности се дел од континуираните напори за почист и поуреден Охрид.