ЈП „Охридски комуналец“ со нов летен режим: Подигнувањето на отпадот ќе започнува од 6 часот

ЈП „Охридски комуналец“ ги информира граѓаните дека од 15 јуни 2026 година ќе започне да се применува летниот режим за собирање на комуналниот отпад, при што подигнувањето ќе започнува од 6 часот наутро.

— реклама —

Од претпријатието појаснуваат дека оваа промена е предвидена во Програмата за работа за оперативната 2026 година и е воведена поради зголемениот обем на работа и потребите што се наметнуваат во текот на летната туристичка сезона.

— реклама —

„Собирањето, транспортот и депонирањето на комуналниот отпад во летниот период ќе се реализираат од 06:00 часот“, информираат од ЈП „Охридски комуналец“.

Оттаму апелираат до граѓаните и правните субјекти навремено да го одлагаат отпадот и да ја почитуваат утврдената динамика, со цел непречено и ефикасно извршување на комуналните услуги.

— реклама —

Воедно, предупредуваат дека секое непочитување на пропишаниот распоред ќе биде пријавено до Комуналната инспекција, која ќе постапува согласно законските надлежности и ќе изрекува соодветни санкции.

— реклама —

Од јавното претпријатие изразуваат очекување дека со заедничка одговорност и соработка ќе се придонесе за одржување на чист и уреден Охрид во текот на летниот период.