ЈП „Охридски Комуналец“ ги потсетува граѓаните дека во четврток, 16 јули, согласно Календарот за подигнување на селектиран отпад за 2026 година, ќе се реализира редовното собирање на пластика, хартија и картон од кантите за селекција на повеќе улици во градот.
Акцијата ќе ги опфати корисниците на услугите од улиците „Железничка“, „Прилепска“, „Винковачка“, „Будва“, „Крали Марко“ и „8 Март“. Од жолтите канти ќе се подигнува отпад од пластика, додека од сините канти ќе се собираат хартија и картон.
Од претпријатието апелираат граѓаните да го почитуваат распоредот за подигнување на селектираниот отпад и во кантите да одлагаат исклучиво отпад што одговара на нивната намена.
Воедно, ЈП „Охридски Комуналец“ ги охрабрува граѓаните да го користат зелениот телефон за пријавување неправилности или за добивање дополнителни информации поврзани со услугата.
