ЈП „Охридски Комуналец“ со редовни и вонредни активности за одржување на зеленилото

Екипите на секторот „Паркови и зеленило“ при ЈП „Охридски Комуналец“ и во текот на изминатите денови реализираа повеќе редовни и вонредни активности за одржување на јавните зелени површини на повеќе локации во Охрид.

— реклама —

Покрај редовното системско наводнување, вонредно се наводнуваше зелениот појас во Градскиот парк, како и долж улиците „7 Ноември“ и „Булевар Туристичка“, при што беше користена цистерна и канистри за обезбедување дополнителни количини вода.

— реклама —

— реклама —

Во рамките на активностите беше извршено и косење и расчистување на ниска и висока вегетација долж улиците „Булевар Туристичка“, „7 Ноември“ и „Марко Цепенков“, како и на детското игралиште на улицата „Кленоец“ и во паркот кај црквата „Света Софија“.

— реклама —

Екипите спроведоа косење и покрај магистралниот пат Охрид – Свети Стефан, како и на потегот кон селата Рача и Елшани, со цел одржување на јавните површини и подобрување на нивниот изглед.