ЈП „Охридски Комуналец“ продолжува со реализација на активностите за одржување на јавната чистота и зелените површини, согласно Програмата за работа за 2026 година.
Во рамките на редовните активности беа извршени интервенции во селата Велгошти, Лескоец, Горно Лакочереј и Долно Лакочереј, каде што екипите работеа на одржување на јавната хигиена и уредување на јавните површини.
Покрај редовните задачи, дежурните екипи на претпријатието беа ангажирани и за време на одржувањето на второто издание на „Ohrid Cocktail Festival“, со цел одржување на хигиената на просторот каде се одвиваше манифестацијата.
По завршувањето на чествувањето на празникот посветен на Свети Наум беше расчистен манастирскиот комплекс „Свети Наум“, а активности за чистење беа спроведени и во Скејт-паркот на пешачката патека кон Горица, по завршувањето на манифестацијата организирана од Културолошката иницијатива „5 до 12“.
