Јавното претпријатие „Охридски комуналец“ информира дека во пресрет на големиот христијански празник Воскресение Христово – Велигден се спроведуваат засилени активности за одржување и уредување на јавната чистота на територијата на општината.
Во рамки на активностите интензивно се уредуваат фреквентните јавни површини и плоштади, пешачките зони, парковите, уличките и шумските патеки во најпосетуваниот дел од стариот дел на градот.
На иницијатива на здружението на граѓани „Еко-свест“ беше организирана и акција за расчистување на крајбрежниот појас на потегот од подрачното училиште „Св. Климент Охридски“ во населба Даљан до Извидничкиот центар, во која учествуваа екипи од јавното претпријатие, ученици, вработени од училиштето и други активисти.
Дополнително, се реализира и одржување на спомен-просторот по повод одбележувањето на 124 години од смртта на охридскиот револуционер Методи Патчев.
