ЈП „Охридски Комуналец“ со засилени активности за почисти јавни површини

Екипите на ЈП „Охридски Комуналец“ продолжуваат со интензивни активности за одржување на јавната хигиена, со цел јавните површини во Охрид да бидат почисти и поуредни.

— реклама —

— реклама —

Во изминатите денови се реализира темелно чистење на јавните површини во централното и поширокото градско подрачје. Активностите опфаќаат отстранување на тврдокорни наслаги од пешачките зони со употреба на специјални средства, како и детално чистење на граничниците, урбаната опрема и пешачките патеки.

— реклама —

— реклама —

Покрај тоа, екипите спроведуваат машинско и рачно метење и миење на јавните површини, а од претпријатието најавуваат дека ваквите активности ќе продолжат и во наредниот период со цел одржување на висок степен на јавна хигиена низ градот.