Малолетник е приведен во Прилеп откако е осомничен дека заедно со уште едно лице допирал 20-годишна девојка по телото, соопшти Министерството за внатрешни работи.
Според информациите од МВР, на 24 јули 2026 година, на улицата „Беровска“ во Прилеп, полициски службеници од ОВР Прилеп лишиле од слобода 14-годишен малолетник од Прилеп.
Тој бил приведен по претходна пријава дека околу 00:30 часот, заедно со уште едно лице, качиле 20-годишна прилепчанка на запрежна кола и ја допирале по телото.
Од МВР информираат дека по целосно документирање на случајот ќе биде поднесена соодветна пријава.
