Кај Богородица пронајдени тројца мигранти, едниот со прострелна рана

Тројца мигранти од Авганистан биле пронајдени во близина на граничната линија со Грција, а кај едно од лицата била констатирана повреда од огнено оружје, информира Министерството за внатрешни работи.

— реклама —

Според МВР, на 7 август околу 01:30 часот, полициски службеници од Полициската станица за граничен надзор и Граничниот премин Богородица ги пронашле трите лица, по што тие биле спроведени во Прифатно-транзитниот центар „Винојуг“ во Гевгелија.

— реклама —

— реклама —

Бидејќи едно од лицата имало повреда на раката, било пренесено во службата за Итна медицинска помош, каде што му била укажана лекарска помош. По извршениот преглед, лекар констатирал дека станува збор за повреда нанесена од огнено оружје.

Полицијата презема мерки за целосно расчистување на случајот.