Досега кај тројца пациенти во земјава е детектиран британскиот сој на коронавирусот. Надлежните здравствени власти на 27 јануари 2021 година објавија за првиот пациент заразен со британскиот сој на коронавирусот во земјава, кој веќе е оздравен. Вирусот беше детектиран во приватната лабораторија на клиниката „Жан Митрев“ во Скопје, при анализа на примероци од јануари.
Од овој вид на корона вирус едно лице почина. Надлежните велат дека имал коморбидитет.
Од Министерството за здравство информираат дека вирусот SARS-CoV-2 предизвикува компликации најчесто кај пациенти кои имаат и други заболувања.
фото: Архива
