Оштетениот Орце Камчев откако го пријави случајот „Рекет“ кај обвинителката Вилма Русковска се сонча во Банско, Бугарија, објави ТВ24. Новинар на телевизијата пред 10 дена го сретнал во хотелот „Пирин Голф“.
Претходно, на социјалните мрежи беше објавен демант од страна на една од фирмите на Камчев, дека бизнисменот не избегал од државава туку дека присуствува на работни состаноци надвор од државата.
А додека Камчев се сонча, Катица Јанева заврши во притвор. Токму Јанева даде дозвола да му се врати пасошот на бизнисменот, по што тој може слободно да оди насекаде.
Обвинителската Лиле Стефанова, пак, вчера изјави дека иако Камчев е осомничен во случајот „Империја“, таа поради „врзаните“ раце на СЈО нема овластување да знае каде е Камчев.
