Камион со приколка излетал од патот измеѓу Демир Капија-Миравци, едно лице повредено

На 21.05.2019 година во 19.40 часот на автопатот Демир Капија-Миравци, кај место викано „Јаворица“, товарно возило „Волво“ со скопски регистарски ознаки со полуприколка „Кроне“, управувано од С.Ј.(37) од село Петровец, скопско, излетало надвор од коловозот.

— реклама —

— реклама —

Притоа, со тешки телесни повреди се здобил возачот С.Ј, кој со возило на Итна медицинска помош бил пренесен во Итна медицинска помош Неготино, од каде бил препратен во Комплексот клиники „Мајка Тереза“ во Скопје.

— реклама —

— реклама —

Увид на местото извршила екипа од Полициската станица Неготино.