Ракометарот на Вардар, Игор Карачиќ преку социјалните мрежи се збогуваше со Вардар, со кој двапати стана европски првак и стана симбол на тимот од Скопје.
„Големо благодарам на клубот, играчите и најмногу на навивачите кои беа со мене во оваа прекрасна приказна во Вардар. Засекогаш во моето срце“, напиша Карачиќ на својот профил на Фејсбук.
Хрватскиот бек во Вардар помина седум сезони, а кариерата ја продолжува во полскиот гигант Кјелце.
