Лидерот на Движењето Беса, Билал Касами, ја смета за вистинска одлуката да не оди на средбата на партиите на Албанците од земјава со албанскиот премиер Еди Рама во Тирана.
Знаеме за големата фама што се создаде во Македонија, за фамозната тиранска декларација. Ако еднаш доживеавме такво искуство, не сакавме да се повтори, рече лидерот на Беса во гостувањето во „360 степени“ на ТВ Алсат
Касами изјави дека одлуката не била ниту лична ниту емотивна, туку беше одлука на органите на партијата на Движењето Беса, правејќи сеопфатна анализа на повикот, на политичкиот момент, на форматот и уште повеќе од моментот кога поканата стана и јавна.
