Кавадарчанец ја нападнал вонбрачната сопруга со тврд предмет, полицијата го уапси

32-годишен маж од Кавадарци бил лишен од слобода откако физички ја нападнал својата 34-годишна вонбрачна сопруга, при што употребил и тврд предмет.

— реклама —

— реклама —

Од Министерството за внатрешни работи информираат дека случајот бил пријавен, по што полициски службеници од ОВР Кавадарци го привеле С.М. на 9 октомври во 11:20 часот.

— реклама —

Тој бил задржан во полициска станица, а за случајот бил известен и јавен обвинител. По целосното документирање на настанот, против него ќе биде поднесена соодветна пријава.