Казнети 40 возачи поради брзо возење

Четириесет возачи изминатото деноноќие на подрачјето на Град Скопје возеле со поголема брзина од дозволената, а од сообраќај се исклучени четворица возачи под дејство на алкохол и 16 возачи кои возеле пред да се стекнат со правото на управување моторно возило.

— реклама —

— реклама —

Според билтенот на СВР Скопје, во изминатите 24 часа се случиле вкупно 10 сообраќајки од кои во четири има полесно повредени осум лица, а во шест е причинета материјална штета.

— реклама —

— реклама —

Од сообраќај се исклучени 17 нерегистрирани возила, а сообраќајната полиција сакционирала 37 возачи кои зборувале на мобилен телефон и 21 возач кои не носеле сигурносен појас. Издадени се и 89 мандатни казни, додека со специјалното возило „пајак“ подигнати се 67 возила заради непрописно паркирање.