Познатиот американски актер Кевин Бејкон привремено го промени своето презиме во „Грав“ како дел од нова кампања што ги охрабрува луѓето еднаш неделно да го заменат месото со јадења од грав.
Шеесет и седумгодишниот актер се приклучи на иницијативата „Ден на гравот“, организирана од организацијата за заштита на животните Humane World for Animals, со цел да се поттикне поодржлива исхрана и поголема грижа за животните.
Во промотивното видео, Бејкон на шеговит начин вели дека во среда е „Кевин Грав“, објаснувајќи дека гравот е богат со протеини и растителни влакна, подолго создава чувство на ситост и претставува поевтина алтернатива на месото.
Актерот истакна дека, со текот на годините, развил посебна поврзаност со животните, што влијаело врз неговиот поглед кон исхраната и секојдневните навики.
Од организацијата посочуваат дека кампањата има цел да покаже како едноставни промени во исхраната можат позитивно да влијаат врз животните, животната средина и здравјето на луѓето.
