Зоран Милевски - Кичеец останува во куќен притвор, одлучи судот, откако неговиот бранител го побара да се укине за да тој може да се грижи за неговата болна мајка. Кичеец ќе биде во куќен притвор се до правосилноста на пресудата која ја донесе судот. Третообвинетиот во „Рекет“ доби три години казна затвор, за што ќе се жали до повисоките судски истанци.
Според обвинението, Кичеец само договрал средби меѓу Боки 13 и Орце Камечев.
Русковска го гони Кичеец за примање награда за правење противзаконито влијание, дело за кое пропишана е казна од 1 до 10 години затвор. Но, бидејќи Кичеец има повеќе олеснителни околности, тој може да добие и условна осуда. Тој исто така, соработуваше со Обвинителството и со помош на неговите искази се забрза истрагата.
За останатите обвинети Катица Јанева и Бојан Јовановски постапката продолжува в петок на шести декември. Јовановски е обвинет исто така за примање награда за противзаконско влијание и за перење пари, а Катица Јанева дека ја злоупотребила службената положба и овластување.
