Киев прогласи ден на жалост по масовниот руски напад во кој загинаа најмалку 17 лица

Најмалку 17 лица загинаа, а околу 90 се повредени во синоќешните руски напади врз Киев, соопшти градоначалникот на украинската престолнина, Виталиј Кличко.

— реклама —

Тој на социјалните мрежи објави дека петокот ќе биде прогласен за ден на жалост во главниот град на Украина.

— реклама —

„Ова е најмасовниот напад врз Киев од почетокот на руската инвазија врз Украина во февруари 2022 година“, напиша Кличко.

— реклама —

Украинските спасувачки служби информираа дека потрагата по преживеани под урнатините на уништените згради продолжува.

Според последните информации, во нападите се повредени околу 90 лица.