Лидер во европските интеграции е Македонија и ќе се обидеме процесот за интеграции во Европската Унија да тече побрзо. Ова го посочува премиерот Димитар Ковачевски. Со оглед дека без уставни измени, нема да има ниту преговори со ЕУ, ова значи дека Владата ќе го забрза и овој процес.
„Се знаеше дека процесот за обезбедување мнозинство ќе биде тежок, исто како за Преспанскиот договор. Тие кои беа најгласни против Преспанскиот договор, како еден пратеник од ВМРО-ДПМНЕ, а пред три дена вели дека тој е реалност. Ќе се обидеме овој процес да заврши побрзо. Не сакаме другите земји да отидат пред нас“, вели Ковачевски.
Тој додаде дека нема да дозволи Македонија да биде во друштво на Косово и Србија, за кои кажа дека немаат средено елементарни прашања.
