Полицијата во Радовиш лишила од слобода 46-годишна жена по пријава дека физички ја нападнала својата 72-годишна мајка.
Од МВР информираат дека на 10 август во 22:35 часот, полициски службеници од СВР Струмица – ОВР Радовиш ја лишиле од слобода Р.Ј.Н., која престојува во Радовиш.
Според пријавеното, таа во куќата во која престојува во Радовиш физички ја нападнала нејзината мајка.
Жената била задржана во Полициската станица Радовиш. За случајот бил известен јавен обвинител, а по целосното документирање на настанот ќе биде поднесена соодветна пријава.
