Откако одлежа две третини од казната, Горан Ангелов-Ќосето, осуден за 27 април, доби условен отпуст. Тој одлежа осум од вкупно 11 години затвор. Отпустот го добил од Кривичниот совет на Кривичниот суд, поради здравствени проблеми за кои и досега бараше прекин во издржување на затворската казна.
За слободата обзнани и на социјалната мрежа „Фејсбук“, споделувајќи фотографија направена со АИ, каде се кинат лисиците, а до него долетува гулабот кој симболизира слобода.
Ангелов-Ќосето е првиот кој доби условен отпуст, а вакви барања поднеле и други осуденици за 27 април, кои одлука од Кривичниот совет засега не добиле.
Институтот условен отпуст претставува т.н. „круна“ на ресоцијализацијата, односно „награда“ за доброто поведение при издржувањето на казната. Кога ќе се поднесе молба за овој институт, се подготвува извештај за осуденото лице. Условен отпуст одредува исклучиво Судот и согласно закон може да се состои во посебни мерки на помош, грижа, надзор или заштита кои ги спроведува надлежен орган согласно со закон.
БОНУС:
