Куќа во скопската населба Бутел синоќа изгоре до темел во пожарот, што избувна вечерта. Причинета е голема материјална штета. Куќата била напуштена и во пожарот нема повредени лица. Од Територијална противпожарна единица на Град Скопје информираат дека пожарот избувнал во 20 часот и 30 минути во куќа на ул. „Марко Крале“. Интеренирано е со четири возила и 11 пожарникари. Пожарот е изгаснат во утринските часови.
