Клоп пред дуелот со Србија: „Јасно се гледа што сакаат кога ја имаат топката“

Германскиот селектор Јирген Клоп е задоволен од подготовките на својата репрезентација пред гостувањето во Србија. На прес-конференцијата тој истакна дека изминатата недела поминала одлично и дека ниту еден фудбалер не се повредил.

— реклама —

„Беше многу добра недела. Се чувствуваме одлично подготвени“, изјави Клоп.

— реклама —

Тој беше прашан и за прославата на голот на Феликс Нмеча од претходниот викенд, која предизвика реакции. Клоп рече дека не ѝ посветил посебно внимание и го опиша фудбалерот како исклучително љубезно момче кое зрачи со позитивна енергија. Додаде дека Нмеча рекол оти повеќе нема да го прославува голот на тој начин.

Во врска со тоа што натпреварот на стадионот „Рајко Митиќ“ ќе се игра без публика, Клоп истакна дека околностите не можат да се променат, но дека повеќе сака да игра пред полни трибини.

— реклама —

Осврнувајќи се на можноста Србија да ја промени формацијата, германскиот селектор рече дека не знае точно како противникот ќе му пристапи на натпреварот, но дека евидентни се добрата организација и намерата на српската репрезентација кога ја има топката.

— реклама —

„Не знаеме сосема прецизно како ќе пристапат кон натпреварот. Она што го знаеме е дека имаат добра организација и јасно се гледа што сакаат да постигнат кога ја имаат топката. Првиот натпревар веќе не ни значи ништо. Сакаме да покажеме дека добро го искористивме времето што ни беше на располагање“, порача Клоп.