Кобен удар од гранка кај Ораовица, почина 77-годишен маж

Трагичен настан се случил во атарот на радовишкото село Ораовица, каде 77-годишен жител на Радовиш го загубил животот откако бил погоден од гранка од топола.

— реклама —

Според МВР, на 24 септември околу 10:30 часот, Т.Б. (73) од Радовиш со моторна пила сечел топола на нива во атарот на селото. Откако дрвото паднало, гранка го погодила Н.Т. (77) од Радовиш, кој заедно со Т.Б. бил на нивата.

— реклама —

Од здобиените повреди Н.Т. починал на местото на настанот. Смртта ја констатирал лекар од Итната медицинска помош од Радовиш.

— реклама —

Полициски службеници од СВР Струмица – ОВР Радовиш го лишиле од слобода Т.Б. За случајот е известен јавен обвинител, по чија наредба телото на починатиот е предадено на обдукција.

Увид на местото извршила екипа од СВР Струмица – ОВР Радовиш.