Иако речиси сите ја познаваат холивудската актерка Ен Хатавеј, нејзиниот сопруг Адам Шулман и понатаму останува далеку од вниманието на јавноста. Парот е во брак од 2012 година и има два сина, Џонатан и Џек, а неодамна актерката објави дека го очекуваат и своето трето дете.
Ен и Адам се запознале во 2008 година, во период кога актерката минувала низ тежок животен период по медиумски експонираниот раскин со тогашниот партнер Рафаело Фолиери. И покрај околностите, меѓу нив веднаш се појавила силна привлечност.
„Штом го запознав, знаев дека тој е љубовта на мојот живот“, изјавила Хатавеј во едно од своите интервјуа.
Шулман, кој има 45 години, е роден во Њујорк и првично градел актерска кариера. По дипломирањето на театарски студии на Универзитетот Браун, настапувал во неколку телевизиски проекти, меѓу кои серијата American Dreams и телевизискиот филм The Dukes of Hazzard: The Beginning. Сепак, подоцна се насочил кон други професионални предизвици.
По свадбата, тој и Ен Хатавеј соработувале како продуценти на независната драма Song One, во која актерката ја толкувала главната улога. Хатавеј подоцна изјавила дека работата со сопругот била едно од најдобрите професионални искуства во нејзината кариера.
Освен актерството и филмската продукција, Адам Шулман е успешен и како дизајнер на накит. Во 2011 година ја основал компанијата „Џејмс Бенкс Дизајн“, а неговиот прв дизајн бил привезок во форма на сијалица, создаден специјално за Ен Хатавеј. Токму тој модел подоцна станал заштитен знак на брендот.
Шулман го дизајнирал и свршеничкиот прстен на актерката, за кој, според американските медиуми, имал јасна визија како треба да изгледа.
Парот се сврши во 2011 година, а една година подоцна ја одржа свадбената церемонија во Биг Сур, во американската држава Калифорнија.
Покрај успешната кариера, Адам е посветен и на семејството. Првиот син, Џонатан, го добија во 2016 година, а вториот, Џек, во 2019 година. Во повеќе наврати тој зборувал за радоста што му ја носи татковството и за восхитот што го чувствува кон Ен во улогата на мајка.
Интересен детал од нивната врска е и тоа што двајцата имаат иста тетоважа – буквата „М“. Според Хатавеј, таа симболизира дека и двајцата се целосни личности сами за себе, но заедно создаваат уште посилно партнерство засновано на меѓусебна поддршка и почит.
