Актерот и комичар Володимир Зеленски победи на претседателските избори во Украина, јавува „Асошиејтед прес“ повикувајќи се на излезна анкета што ја спроведоа Киевскиот институт за социологија и Центарот за испитување на јавното мислење Разумков.
Според анкетите, Зеленски добил повеќе од 70 % поддршка. Тој доминираше во првиот круг на гласање пред три недели, кога беа 39 кандидати на избирачкиот список.
Досегашниот претседател Порошенко го призна поразот и му честиташе на победникот. Во говорот пред своите приврзаници тој рече дека ќе се повлече од сите функции, но потенцираше дека нема да се повлече сосема од политиката: „Ќе останам во политиката и ќе се борам за Украина“, рече 53-годишниот Порошенко.
41-годишниот Зеленски е популарен по неговата улога во сатиричната драма наречена „Слуга на народот“ во кој неговиот лик случајно станува украински претседател.
Неговата политичка партија го носи истото име како и во серијата.
