Девет дена откако избувна големиот пожар на Брач, во кој изгореа околу 5.000 хектари борова шума, ниска вегетација и трева, огнот конечно е локализиран, дознава денеска Жупанискиот противпожарен оперативен центар Сплит.
Пожарот избувна на 10 септември, и во него изгореа глампинг-куќичките во туристичкиот ресорт Гава, а поради безбедност беа евакуирани туристи и жители.
Поради пожарот беше прекинат и сообраќајот на локалните патишта, а со огнот со денови се бореа стотици пожарникари од цела Хрватска. Голема помош им пружаа и воздушните сили, кои во тие денови гасеа и други пожари на подрачјето на Сплитско-далматинската жупанија.
Гаснењето го отежнуваше бурата. Пожарникарите во неколку наврати успеваа да ја стабилизираат ситуацијата, но огнот повторно се активираше.
